Ardian Mema debutimin si trajner i parë me Tiranën e pati pikërisht me ish-skuadrën e tij, Flamurtarin, por tashmë kërkon ti bëjë surprizën e hidhur vlonjatëve, duke i larguar nga Europa, për ti dhënë shpëtimin bardhebluve të tij. Një ndeshje e ndjerë për teknikun, pikërisht për këtë fakt, ashtu si vendosja përballë “profesorit” Ilir Daja, që i ka dhënë leksionet e para në Korcë me Skënderbeun e tek Flamurtari më pas.
Pas dy fitoreve radhazi Flamurtari kërkon ti bëjë 2018 mbylljen e duhur. Transferta e kryeqytetit, përballë Tiranës, nuk është një ndeshje e lehtë, pavarësisht diferencës së pikëve dhe objektivave të ndryshëm që kanë skuadrat, por Enea Kolici ka bindjen se cdo gjë do të shkojë mirë për vlonjtatët. Por në Selman Stërmasi i prêt një njohje e vjetër, që mund tia komplikojë detyrën. Ardian Mema, ish-asistent trajneri i Flamurtarit, e njeh aq formacionin vlonjat sa ti vendosë në vështirësi.
“Mema e njeh mirë, duke qenë se ka qenë pjesë e Flamurtarit, se si funksionon skuadra jonë – theksoi Kolici -. Por kjo përvec faktit që do të na e bëjë të vështirë, nuk na shmang nga obejktivi ynë për ta mundur, ashtu si bëmë në debutimin e tij”.
Vlonjatët me pragmatizëm kanë marrë rezultate të rëndësishme, që pavarësisht luhatjeve e kanë afruar me zonën Europiane të renditjes. Kuqezinjtë në këtë pikë i kanë idetë e qarta, për ta mjafton të fitojnë ndeshjet, pjesa tjetër pak rëndësi ka. Portieri është një nga pikat e forta të Ilir Dajës dhe kundër bardhebluve në kërkim të pikëve mund të jetë njeriu më i impenjuar…
“Një ndeshje e delikate, sepse vijnë nga humbja dhe pozitat që kanë nuk janë të mira, por ne duam ta mbyllim vitin me fitore dhe kundër Tiranës kërkojmë tre pikë. Nuk na interesojnë vështirësitë që kanë”, përfundoi portieri.
Flamurtari me 28 pikë në vendin e gjashtë nuk dëshiron të humbasë terren në ndjekje të zonës Europiane, ku vetëm katër pikë e ndajnë nga vendi i dytë, ndërkohë që krejt tjetër janë objektivat e bardhebluve, të thërritur në cështje të marrin pikë për tu larguar nga fundi i klasifikimit.
