Pas letrës së studentëve drejtuar Ambasadës së SHBA-së dhe delegacionit të BE-së, vjen dhe reagimi i kësaj të fundit.
Delegacioni i BE-së në Shqipëri ka reaguar duke u shprehur se protestat paqësore të studentëve janë një shprehje e shëndetshme e demokracisë. Lidhur me kërkesat e studentëve, ky delegacion është shprehur se në shoqërinë shqiptare ekziston një konsensus i gjerë.
‘Studentët bëjnë thirrje për standarde më të mira arsimore. E drejta për arsim është qendrore në çdo shoqëri. Ashtu siç është lufta kundër korrupsionit’.
Delegacioni i BE-së nënvizon se tani është koha për të ndërtuar një dialog që siguron që këto kërkesa të përkthehen në zgjidhje konkrete dhe praktike.
