Kryeministri Edi Rama zhvilloi sot pasdite një takim me pedagogë të Fakultetut të Gjeologji Minierave. Ndonëse deri më tani s’ka as foto e as pamje nga takimi, Rama shkruan se kjo është nisja e dialogut pasi aty kishte edhe studentë.
“Faleminderit për mikpritjen grupit të studentëve dhe pedagogëve të Gjeologjikut,me të cilët patëm një bashkëbisedim të dobishëm për Dialogun (e në fakt zhvilluam vetë Dialogun). Mësova gjëra të reja prej tyre,mbase edhe ata e kuptuan mirë se ku e kam hallin unë. Nesër vazhdojmë”, shkruan Kryeministri.
Por gjasat janë që edhe ky takim të jetë një kopje e shëmtuar e shfaqjes së Ramës në emisionin ‘Top Shoë’. Studentët e pretenduar nga Rama, nuk janë ata që përfaqësojnë masën e gjerë të protestuesve, por freshistë dhe njerëz të përzedhur prej tij. Rama kërkon të krijojë në opinionin publik idenë se studentët po i nënshtrohen kokëfortësisë së tij për dialog, pa përmbushur më parë 8 kërkesat e tyre.
©LAPSI.al
