Kreu i grupit parlamentar të PS-së, Taulant Balla, thotë se miku i ngushtë i Lulzim Bashës, Kamil Ekim Alptekin, është nën hetim nga drejtësia amerikane. Balla publikon edhe linkun e prestigjozes Wall Street Journal, e cila raporton këtë lajm.
“Miku i ngushtë i Lulzim Bashës, të cilit siç e shikoni në fotografi i ka qenë edhe “padrino” në dasëm, Kamil Ekim Alptekin merret zyrtarisht nën akuzë nga Drejtësia Amerikane për lobing të paligjshëm, por edhe deklarime të rreme. Vetëm një pyetje sot për Lulzimin. Lulzim vazhdon ende edhe ti të japësh deklarime të rreme për lidhjet e tua me këtë person të vendosur nën akuzë në SHBA?”, - shkruan Balla.
Por ndërkohë nga ana tjetër, ajo që Balla nuk e thotë, është se shtetasi turk Kamil Ekim Alptekin figuron ende si konsull nderi i Shqipërisë në Turqi. Mjafton një kërkim i vogël në internet për ta mësuar diçka të tillë. Shihni fotot më poshtë. ©LAPSI.al
