Ndonëse moti nuk ka qenë në favor të protestës së studentëve, ata vazhdojnë të qëndrojnë përpara kryeministrisë për ta çuar deri në fund kauzën e tyre. Studentët kanë kërkuar në korr largimin e dekanit të fakultetit Ekonomik, Dhori Kulen.
Studentët e këtij fakulteti kanë kërkuar një takim me dekanin, por ai nuk ka shkuar për t’u përballur me ta.
Kule, kishte kërkuar një përfaqësi prej 20 studentësh për të biseduar ditën e sotme. Studentët nuk e kanë pranuar këtë gjë dhe kanë shkuar në masë.
Ky masivitet i studentëve ka bërë që Dhori Kule t’i shmanget takimit. Të zhgënjyer nga kjo sjellje, studentët kërkojnë dorëheqjen e tij.
