Protesta e studentëve është në ditën e 12-të saj, por kryeministri Edi Rama nuk jep shenja për t'u tërhequr nga kërkesa e tij për dialog. Ai ka postuar sot një foto me dron nga sipër Kryeministrisë, që tregon pjesëmarrësit në protestë dhe thotë se një grusht njerëzish po mbajnë peng gjithë studentët. Ja cfarë shkruan Rama në Instagram.
“Një grusht njerëzish që përsërisin qorrazi avazin kundër Dialogut, mbajnë peng mijëra studentë që duan dhe meritojnë jo vetëm adresimin e 8 pikave, po një transformim të thellë brenda Universitetit, përmes një Pakti me Qeverinë! Historia tregon për shumë raste kur Dialogut i janë trembur qeveritë, po s’ka bërë vaki kurrë që t’i tremben studentët dhe studentët sot në fakt, nuk i tremben Dialogut, po presioneve kundër Dialogut, sharjeve e fyerjeve ndaj kujtdo që kërkon Dialog, të cilat porositen nga partitë përmes studentësh që i’a kanë shitur shpirtin politikës më të mbrapshtë?Sidoqoftë farsa e kësaj barrikade absurde kundër Dialogut, s’ka për të zgjatur sa ka zgjatur. Dialogu do zhbllokohet, Arsyeja do fitojë dhe së bashku ne do të hapim një kapitull të ri për Universitetin”
