Përkeqësimi i motit ka sjellë problematika në portin e Sarandës dhe të Vlorës.
Për shkak të kushteve të vështira atmosferike, linja Korfuz-Sarandë-Korfuz nuk do të operojë në portin e Sarandës.
Ndërsa në portin e Vlorës ka patur prezencë uji në afërsi të godinës së administratës por pjesa e terminalit ku përpunohen pasagjerët nuk ka problem, njofton Ministria e Infrastrukturës dhe Energjisë.
Trageti i Vlorës u ankorua 45 minuta me vonesë për shkak të kohës së keqe.
Në Portin e Durrësit, pavarësisht reshjeve të shiut, situata paraqitet normale.
Ndërsa në Portin e Shengjinit, nuk paraqiten probleme dhe puna vazhdon normalisht.
Drejtoria e Përgjithshme Detare ka sinjalizuar kapitenerite e porteve që të njoftojnë mjetet lundruese për përkeqësim të mundshëm të motit në orët në vijim.
