Mbrëmjen e djeshme në emisionin 'Opinion', Edi Rama u vu përballë disa prej sloganeve dhe memeve të protestës së studentëve.
Duke qenë se për herë parë në Shqipëri, zëri i studentëve po përçohet në mënyrë krejt origjinale nëpërmjet “memeve” të rrjeteve sociale, Blendi Fevziu kishte përmbledhur disa prej memeve më pikante të shfaqura këto 10 ditë për t'ia vënë përballë kryeministrit.
"Më i lirë kamioni për Angli se arsimi në Shqipëri" - shkruhej në një prej pankartave. Rama zgjodhi të 'korrigjonte' Fevziun dhe jo të komentonte mesazhin që ky student jepte me duart përpjetë. Sipas kryeministrit, drejtuesi i emisionit po ngatërronte fjalë, pasi kjo nuk ishte një meme, por një parullë.
Në një pankartë tjetër shkruhej: "I duam tarifat sa Erion Braçe", - duke iu referuar gjatësisë trupore të deputetit socialist. Për Ramën kjo pankartë ishte një "perlë". Kryeministri kujtoi edhe përgjigjen e Braçes, - "Subvencione të gjata sa Edi Rama".
Një video që nxorri bllofin e pesfishtë të Ramës (Pamjet)
(VIDEO) Dështojnë përpjekjet e Ramës, studentët sërish në protestë
Në një karton tjetër që mbahej nga një studente shkruhej: "I don't need sex. The University fu*ks me every day". (S'ka ç'më duhet seksi. Universiteti më q** çdo ditë). Rama u shpreh se kjo parullë është e Sali Berishës, duke iu referuar publikimit që ish-kryeministri i ka bërë disa ditë më parë në Facebook kësaj fotoje.
"U katandais sekretari i partisë që të flasë për seks në moshën 80 vjeç. E kupton?" - u shpreh Rama.
Deklarata e Ramës në mbledhjen e qeverive të Shqipërisë dhe Kosovës, "What the fuck", nuk ishte harruar të përdorej për të dhënë një mesazh nga studentët protestues. Në një pankartë që Fevziu i nxorri Ramës, një foto e këtij të fundit dhe ministres Nikolla ishte shoqëruar me diçiturën: "Nëse ne quhemi ngelsa, atëherë sistemi juaj është 'What the fuck'."
Rama zgjodhi për të disatën herë të merrej me zgjedhjen e fjalëve të Blendi Fevziut dhe jo mesazhin që jepte studenti. Sipas kryeministrit, këto nuk ishin meme, por parulla.
©Lapsi.al
[video width="1024" height="544" mp4="https://cdnimpuls.com/lapsi.al/wp-content/uploads/2018/12/rmamera.mp4"][/video]
