Pika në shtëpi nuk konsiderohet arritje, sidomos për skuadrën që kryeson kampionatin, por duke parë si erdhën gjërat kundër Kukësit, Partizani duhet të jetë shumë i kënaqur me barazimin pa gola në Selman Stërmasi. Blutë e Armando Cungut u përplasën me Alban Hoxhën në një formë brilante dhe lojtarin deciziv të ndeshjes.
Portieri i Partizanit ka ndaluar cdo tentativë të Bluve, por ndaj Ethemit në minutën e 35, Reginaldos me rifillimin e lojës e më pas Shkodrës e Melos kapiteni ka impresionuar, duke shpëtuar rezultatin.
Partizani nuk ka kaluar në aventurë, në fakt ka ndjerë shumë mungesën e Asanit, me Kote që e kishte të pamundur të ishte aq konsistent sa numri 10. Për pjesën tjetër, Kukësi kishte domosdoshmërinë e fitores, por 3-4-3 i teknikut shkodran nuk e nxorri fitues si në dy precedentët e mëparshëm ku ishte aplikuar, vetëm sepse Reginaldo gaboi dicka më shumë se duhet dhe se Hoxha nuk gaboi asgjë.
5 pikë diferencë ndaj Kukësit (31), por asisti i verilindorëve është i gjithi për Skënderbeun (30) dhe Teutën (29), të impenjuar kundër vendeve të fundit të renditjes. E kështu në javën e fundit të vitit katër skuadrat kryesuese do të jenë të gjitha në distancë parakalimi me njëra-tjetrën, duke premtuar një 2019 interesante...
