Aik Solna, një nga skuadrat më prestigjioze të Suedisë, është futur në histori, duke shitur të parën 'Eternity Card', që do të thotë një abonim i përjetshëm për të asistuar në të gjitha ndeshjet brenda të skuadrës. Blerjen e ka bërë një tifoz 43 vjecar, që ka investuar shumën e 189.000 korona suedeze, të barabarta me rreth 18.500 euro.
I intervistuar nga media vendase, Magnus Käck, është i bindur në zgjedhjen që ka bërë. "Sapo mësova për inisiativën e kisha blerë abonimin për sezonin e ardhshëm, por nuk hezitova - shpjegoi ai - Ndoshta pas 30 vjetësh do të jem në pension e do të kem gjithnjë të njëjtin abonim. Kështu nuk do të jem kurrë pa biletë".
