Në bashkëbisedimin me rektorët e universiteteve, Kryeministri Edi Rama i cilësoi 8 pikat e shtruara nga studentët me parathënien e një libri të ngatërruar që duhet t’i shkohet gjer në fund e të korrigjohet. Ai paralajmëroi të gjithë krerët e universiteteve që edhe pas përfundimit të protestës dhe kur studentët të rikthehen në auditore, ai do të jetë një nga “protestuesit” për universitetin për sa kohë që do të ushtrojë detyrën si kryeministër.
“Për mua 8 pikat e ngritura janë vetëm parathënia e një libri që është shumë i ngatërruar por që patjetër duhet kaluar I gjithi dhe duhet korrigjuar i gjithi. Nuk diskutohet që gjithçka dhe gjithkush që nga ana e qeverisë ka pasur lidhje me arsimin e lartë ka përgjegjësi. Ky është gjykimi im. Nuk jam unë që t’ju them juve se sa përgjegjësi keni. Jeni ju që duhet të nxirrni përgjegjësinë tuaj. Por unë di t’ju them kaq që unë nuk jam më ai që isha para kësaj historie në raport me universitetin. Protesta do mbarojë një ditë , studentët do të kthehen prap në mësim, kurse mua sa të më keni kryeministër do të ke keni protestuesin për ccështjen e universitetit., këtë di tju them. sepse nëse mundësitë janë të kufizuara të gjithë kuptojnë, por nëse brenda mundësive të kufizuara ti loz me tjetrin, askush s’të kupton" tha Rama.
Në ditën e nëntë të protestës ka një debat publik se ajo që duhet goditur realisht është kasta e drejtuesve në universitetet publike të vendit, të cilët jo vetëm që kanë krijuar një sistem të mbyllur mes veti, ku qarkullojnë fonde publike, por edhe abuzojnë me to. Shembujt e kësaj janë të shumtë. A do të ketë forcë Edi Rama ta godasë këtë kastë?
©LAPSI.al
