Me mijëra kanë qenë studentët që shkuan për të protestuar përpara parlamentit ditën e sotme. Një prej tyre, është shkëputur për një çast nga turma, duke zgjedhur të falet në një hapësirë midis Parlamentit e xhamisë së "Namazgjasë".
Për realizimin e kërkesave të tyre, studentët duket se nuk kanë më besim tek zgjidhja që mund t'i japë kryeministri. Ata kanë nisur tashmë t'i dërgojnë lutjet e tyre edhe perëndisë.
Kryeministri Rama duket se nuk ka aspak ndërmend që të lëshojë pe. Ai vazhdon kërkesat për dialog, pavarësisht refuzimeve të vazhdueshme të studentëve.
