Ish-kryeministri Sali Berisha i ftuar në emisionin “Open” në Top Channel duke folur për protestën e studentëve, u shpreh se Rama është i tmerruar nga studentët pasi mendon se ata duan ‘kokën’ e tij. Berisha thotë se studentët janë revolucionarë të vërtetë ndaj edhe Rama lebetitet përpara tyre.
“Njeriu që beson gënjeshtrat e veta. Ai e di çfarë kërkon protesta. Ai ndaj është i tmerruar ,lebetitet, ai e di çfarë fshehin kërkesat e studentëve. Përroi i tij psiqik tani vërshon, nuk e le ai përrua të ketë arsyetim të drejtë. Ai nuk ua plotëson kërkesat se dyshon se ata kërkojnë kokën e tij. Këta studentë janë treguar të jashtëzakonshëm në ultimatumin e tyre”, tha Berisha.
Po kërkohet rrëzimi i Ramës?
“Çfarë do bëjmë në teatrin absurd?
Një vajzë ne emision tha jam me 9.75 mesatare po kam dy të tjerë që luftojnë për shkollë.
Rama duhet të mos bëjë zeusin. Ky është revolucion pa këta studentë nuk bëhet.
Po të hap librarinë time dixhitale. Në 2015 u bë një protestë dhe u zhduk. Këta po venë shoqërinë shqiptare në koshiencë, këta ishin të parët ku erdhi pika ë vlimit”, tha Berisha në ‘Open’.
