Projekti i Teatrit të Klan Kosovës, është nominuar për çmimin prestigjioz "EU Mies van der Rohe". Ky projekt është realizuar nga arkitekti kosovar Astrit Nixha dhe është një ndër 12 projektet shqiptare të nominuara për këtë çmim.
Ky projekt është punuar së bashku me stafin e studios ANARCH. Arkitektura e tij origjinale eksperimentale, sidomos në ripërdorimin adaptiv, paraqet parimet e projektimit të shekullit të 21-të të reduktimit, riciklimit dhe ripërdorimit. Përveç logjikës tektonike në veprat e tij, mënyra e kombinimit midis materialeve dhe dritës tregon një fushë tjetër interesash që po përjeton arkitektura.
Teatri ka një kapacitet prej 800 vëndesh. Aty pritet të ndërtohen edhe objektet të tjera duke nisur nga galeria, restoranti, salla e konferencave etj.
Ja si është shprehur arkitekti Astrit Nixha për këtë projekt:
“Unë besoj se jeta është e përkryer, për shkak të papërsosmërive. Ndërtimi duhet të pasqyrojë jetën në papërsosmëritë e saj për të paraqitur arkitekturën e përsosur. Pasi të vizitosh Teatrin, nuk mund të rezistoni por të filloni të mendoni dhe të pyesni kuptimin e fjalës ‘Teatër’, një ndërtesë ose zonë në natyrë në të cilën luhen shfaqje. Niveli i detajeve është i mahnitshëm dhe këto detaje përbëjnë një tërësi që vazhdimisht argëton përpara performancës “reale” teatrore. Paleta e materialeve është e gjitha organike. Dru, shkurre, litarë, tulla, të gjitha janë prodhim vendor.”
