Studentët në mbarë vendin kanë bojkotuar sot mësimin, në këtë ditë të shtatë të prostestës së tyre, e cila është më masivja që nga nisja e tubimeve.
Nga Bulevardi 'Dëshmorët e Kombit' dhe korpuset universitare, studentë e gjimnazistë janë mbledhur para Ministrisë së Arsimit. Kërkesat e tyre nuk kanë ndryshuar: Përgjysmimi i tarifave të studimit, dyfishim i buxhetit për arsimin dhe prani më e madhe e studentëve në bordet vendimmarrëse të Universiteteve.
Studentët i kanë vënë sot afat deri në orën 16:00 qeverisë për të përmbushur këto kërkesa, përndryshe protesta do të përshkallëzohet.
Ditën e sotme studentëve i janë bashkuar në Tiranë dhe Elbasan edhe nxënësit e gjimnazeve.
https://www.youtube.com/watch?v=cjMi75sdOvM
https://www.youtube.com/watch?v=cJW6mXfwo1M
https://www.youtube.com/watch?v=vNsW3nT90iY
Protesta nuk po zhvillohet vetëm në kryeqytet. Në Elbasan, Korçë, Shkodër e Vlorë, studentët kanë bojkotuar mësimin në koordinimin me studentët në Tiranë.
Në Elbasan, studentët jo vetëm që kanë bojkotuar mësimin, por edhe janë nisur me autobusa drejt Tiranës.
https://www.youtube.com/watch?time_continue=13&v=UmOxeg87On0
https://www.youtube.com/watch?v=HjNsvVpEorY
Në Korçë, studentët po protestojnë duke marshuar rrugëve të qytetit.
https://www.youtube.com/watch?time_continue=3&v=T2Wk6CvxppA
Edhe në Shkodër studentët po protestojnë në rrugë. Qytetarët shkodranë janë solidarizuar me studentët. Në videon më poshtë duket se si qytetarët shpërndarjnë çaj për ta.
https://www.youtube.com/watch?v=if129BQWvm0
https://www.youtube.com/watch?v=hDDOHJ9L_TM
Në Vlorë studentët bëjnë thirrje se pa u plotësuar kërkesat që kanë shtruar nuk do ti kthehen auditorëve të Universitetit.
https://www.youtube.com/watch?v=84yJARtm2js
Por çfarë kërkojnë realisht studentët?
Në një letër e cila u është drejtuar Kuvendit, Kryeministrit, Ministres së Arsimit, Universiteteve Publike, studentët që protesojnë që prej 7 ditësh parashtrojnë këto 8 kërkesa:
1-Rritja e buxhetit me 5 % e GDP me qëllim mundësimin e përgjysmimit të tarifës së studimit për çdo nivel studimi, përmirësimin e mësimdhënies dhe infrastrukturës, Universitet/konvikt.
2-Transparencë me buxhetin nga Ministria e Arsimit, Sportit dhe Rinisë dhe IAL-ve, publikimi i të gjitha shpenzimeve online.
3-Rritja nga 10 % në 50 % e peshës totale të votës së studentëve për të zgjedhur kandidatët për dekan, rektor dhe çdo fakultet të ketë një përfaqësues të studentëve në senatin akademik.
4-Rishikim i titujve akademikë dhe verifikimi i plagjiaturave të doktoraturave dhe teksteve mësimore.
5-Mbështetur në nenin 99 mbi Këshillet e Studentëve, Ligji i Arsimit të lartë, pika 2 kërkojmë që Bordi i Administrimit të IAL-ve të ketë numër të barabartë votash si nga MASR dhe IAL-të si dhe të shtohen një përfaqësues në këtë bord nga studentët.
6- Pajisja e të gjithë studentëve me Kartën e Studentit brenda vitit akademik 2018-2019 (të ndiqen nga bashkitë përkatëse)
7-Ndërtimi i një biblioteke me standarde Europiane dhe me libër universitar online, falas për studentët në gjuhën shqipe.
8-Vlerësim i perfomancës në mësimdhënie dhe kërkim shkencor i pedagogut, publikim i tij, online dhe regjistrimi i leksioneve.
©LAPSI.AL
