Skandali i kompanisë fantazmë Dunëell Haberman, e cila ishte regjistruar në shtetin amerikan Delaëare dhe fitoi me dokumenta fallco tenderin për Unazën e re, ka mbërritur në një pikë kulmore.
Ndërsa autoritetet shtetërore thanë se e anulluan tenderin dhe u krenuan se dëmi prej 18 milionë eurosh nuk i kishte dëmtuar shtetasit shqiptarë, tani zbulohet një tjetër aferë që dëshmon se qeveri shqiptare ka qenë e përfshirë kokë e këmbë në këtë marëdhënie.
Sipas dokumentave të bëra publike, qeveria i ka dhënë ‘DH Albania’, një tender për ndërtimin e linjës 220 kilovolt Burrel-Peshkopi me vlerë 12 milionë euro.
Të enjten e kaluar emisioni “Të Paekspozuarit” i Ylli Rakipit publikoi dokumentet që faktonin se Dunëell Haberman kishte falsifikuar dokumentet, bilancet dhe firmën e Sekretarit të Shtetit në Delaëare për të fituar tenderin e Unazës së Tiranës me vlerë 18 milionë euro. Kjo kompani ishte krijuar vetëm në 25 qershor të këtij viti por pas plasjes së skandalit. qeveria u detyrua të anulonte tenderin e lotit të parë të Unazës së Re.
Sot Edi Rama u përpoq të lane duart nga kjo kompani duke i etiketuar si fallcifikatorë letrash gjatë monologut që mbajti para sudentëve. Por, ky rast i dytë ngre dyshime të forta për implikimin e rangjeve më të larata me këtë aferë si dhe i jep kredite hipotezës së opozitës se kjo qe një manovër për të çuar në parajsa fiskale paratë që do grabiteshin nga tenderi i unazës së re.
Skandali është pranuar edhe nga vetë Operatori i Sistemit të Transmetimit.
Ne një njoftim zyrtar thuhet se për kontratën që kompania DH Albania ka pasur me Operatorin e Sistemit te Transmetimit, OST sqaron se qe ne momentin kur eshte njohur me permbajtjen e dokumenteve te shfaqura ne emisionin "Te Paekspozuarit" ne Neës 24, ky institucion ka marre masat per pezullimin e njeanshem te kontrates.
©Lapsi.al
