Edi Rama pretendon se VKM-ja e tarifës së provimeve të mbatura është vendosur nga dekanët dhe rektorët e universiteteve. Sipas tij janë universitetet që i vendosin tarifat. Ai ka kërkuar dhe transparencë prej dekanëve për çdo tarifë të ngritur.
“Nuk ka një vendim, një nen që nuk është biseduar gjërësisht me ju. Nuk ka një tarifë që nuk është vendosur nga ju vetë. Nuk ja u kemi patur borxh”, i drejtohet Rama rektorëve dhe dekanëve. Sipas tij, ata që kanë vendosur tarifat, nuk po ndihen tani që po bëhet protesta.
