Një incident ka ndodhur gjatë protestës së studentëve ditën e sotme para Ministrisë së Arsimit.
Kur pedagogu Jani Marka mori fjalën, studentët nuk e lejuan dhe e larguan pasi sipas tyre, ai është pjesë e një lëvizje dhe ka qëndrim politik.
“Po tentojnë të na përçajnë. Nuk e dimë kush është personi që tenton të flasë. Ne duam të plotësohen kërkesat tona. Kaq duam” - tha një student.
Studentët shprehen se pedagogu është pjesë e ‘Lëvizjes për Universitetin’ të cilën ata e konsiderojnë si lëvizje politike.
“Je përfaqësues i Lëvizjes komuniste. Larg politika. Nuk duam përçarës në protestë” - shprehen studentët në kor.
[video width="720" height="404" mp4="https://cdnimpuls.com/lapsi.al/wp-content/uploads/2018/12/jyAW9mP7MjIQjJaRACjL_09_c2283985b1cefa0096fcda6075ba5e02_video_720p_converted-1.mp4"][/video]
