Kreu i PD-së Lulzim Basha i ka bërë sot thirrje Prokurorisë të Përgjithshme të nisë menjëherë hetimet ndaj Edi Ramës, Damian Gjiknurit dhe Erion Veliajt për abuzimet me projektin e Unazës së Madhe. Nga protesta e banorëve, Basha tha se dalja e dokumenteve të fundit faktoi abuzimet me këtë aferë.
“Për të vjedhur 40 milionë euro, Rama bashkë me Veliajn për 1 muaj e gjysmë kanë derdhur dhunë, sharje dhe fyerje. Tani ka më shumë se 24 orë që është zbuluar e vërteta. Ky është një projekt për pastrim ndërkombëtar parash. Paratë e krimit donin ti çonin në Amerikë. SHBA ka nisur hetim, po hetimi shqiptar ku është. Pse nuk fillon hetimi ndaj Edi Ramës sepse ai qëndron pas saj. Të nisë hetim për Gjiknurin dhe Veliajn” – tha Basha.
“Shkoni e pyesin Damian Gjiknurin, çfarë bënte në SHBA më 25 qershor, ditën kur u themelua edhe kompania fantazmë. Sot në burg nuk duhet të jenë banorët që mbrojnë pronën e tyre nga paligjshmëria, por duhet të jetë Damian Gjiknuri dhe pronarët e kompanive që sollën këtë projekt të pakërkuar, për të ngritur një aferë korruptive”, tha kreu i PD-së.©LAPSI.al
