Në përkujtimoren për 8 dhjetorin e vitit 1990, dita kur studentët shqiptarë u ngritën kundër diktaturës komuniste ish-kryeministri Sali Berisha u shpreh se ato ishin ditë historike që po përsëriten. Berisha iu referua protestës së studentëve dhe tha se ajo po tentohet të përçahet. Berisha u bëri këtë thirrje studentëve:
“Ju bëj thirrje mos dëgjoni ata manipulatorë, që kërkojnë tu shkëpusin ju nga shoqëria. Ata manipulatorë të cilët për interesa të patronëve të tyre përpiqen t’u paraqesin ju se po protestoni prej 4 ditësh për një gjobë apo për një tjetër. Por unë ju kujtoj vetëm një fjalë këtu, në takimin e parë me Ramiz Alinë, ky burrë do t’i thoshte: Nuk jam këtu për një gotë çaj më shumë! Dhe ju sot jeni në rrugë, jeni në protestë, aty përfaqësoni prindërit tuaj, nënat tuaja, baballarët tuaj, vëllezërit tuaj, motrat tuaja, interesat e tyre, interesat e shoqërisë shqiptare” – tha Berisha.
