Paralelisht me studentët e Tiranës, edhe në Elbasan studentët e universitetit "Aleksandër Xhuvani" janë ngritur në protestë.
Kërkesat e tyra janë të njëjta. Ata kërkojnë heqjen e tarfiës së vendosur në maj të këtij viti nga Këshilli i Ministrave për tarifën e provimeve.
Studentët në Elbasan paralajmërojnë me bojkotim të mësimit deri në pezullim të vendimit nga MAS.
Studentët kërkojnë heqjen e tarifës prej 400 lekësh të reja për çdo kredit për provimet e mbartura. Në protestë ata janë shprehur se kjo tarifë është bërë me qëllim zhvatjen e buxhetit të familjeve shqiptare, duke e cilësuar si të papërballueshme.
