Ish-nënkryetari i PD-së Astrit Patozi thotë se protesta e kësaj të marte e studentëve ishte një mesazh i mirë, por ai nuk duhet të shpërdorohet nga politika.
“Shtimi i protestave janë një mesazh i mirë se tregojnë për zgjimin e shoqërisë. Protestat tregojnë një qeverisje të ngecur e të korruptuar që nuk ngjall asnjë lloj entuziazmi. Edi Rama e ka marrë lehtë këtë histori sepse ka pasur parasysh Bashën dhe reagimin e tij të cilin ai ka treguar se nuk e ka problem.
Protesta e sotme e studentëve është e vërtetë. Ata kanë një akumulim pakënaqësie ndaj qeverisë. E kam parë me sy pozitiv. Gjeja e vetë që mund ta fikë këtë protestë është shfaqja e Bashës apo dikujt tjetër politik” – tha Patozi në emisionin “Byro Politike” në Abc News.
“Në dhjetor ’90, studentët u ngritën kundër një partie-shtet që po e çonte vendin në greminë ekonomike. Sot Shqipëria 28 vjet më vonë është në të njëjtën pikë” – tha ish-numri 2 i PD-së.
