I riu në foto është Mateo Aga, 21-vjeçari që rezulton i zhdukur prej 7 ditësh.
Familjarët që kanë bërë denoncim në polici, dyshojnë në Mateo është rrëmbyer.
“Pasi ka punuar me babain e tij, deri në orën 21:35 ka qenë duke pirë kafe në një lokal në Maqellarë. Doli me një shok nga lokali. Është larguar me bashkëfshatarin e vet me makinë.
Prej më shumë se një muaji ai s’ka folur fare në telefon se s’ka pasur. Fliste me telefonat e shokëve, pasi të vetin e kishte të thyer. Kemi frikë mos i kanë ngritur shokët kurth." thanë familjarët për 'News 24'.
“Dyshojmë se e kanë rrëmbyer djalin. Në 29 nëntor djali shkoi në fshatin Grezhdan,” shprehen prindërit.
Policia e Dibrës raporton se po punohet për gjetjen e 21 vjeçarit.
