Publikohet emri i shqiptarit të vrarë më 25 Nëntor në Korfuz. Ai është 63 vjeçari Petrit Zifle.
Personi që kreu krimin është një 44 vjeçar, i cili sipas raportimeve të medias greke, është dhe anëtar i “Agimit të Artë”.
Në zgjedhjet e mbajtura në Greqi, ai ka qenë edhe përfaqësues i kësaj partie naziste, në fshatin Lefkimi të Korfuzit. Shkak i vrasjes së Petrit Zifles u bë një debat mes tij dhe autorit të krimit për emrin e Maqedonisë. Në momentin që 44 vjeçari ofendonte qytetarët maqedonas, Zifle ka ndërhyrë.
Lexo më tej:
Janullatus, a nuk i vrasin dhe shqiptarët kështu?
Debati mes tyre është përshkallëzuar duke mbërritur deri në kërcënime për vrasje, nga ana e qytetarit grek. Kërcënime, të cilat u kthyen në realitet.
Anëtari i “Agimit të Artë”, i ka zënë pritë Zifles, duke e goditur për vdekje me çifte. Pasi u vra, Petrit Zifle u hodh në një kanal, ku u gjet ditën e nesërme nga disa kalimtarë të rastit.
