Ministri i Diasporës Pandeli Mjako nuk i ka kursyer batutat në studion e gazetarit Adi Krasta në News 24. Majko tha se e ka mik Ramën dhe është kjo arsyeja pse pranoi të bëhej ministër edhe pse ai nuk e kishte konsultuar paraprakisht. Majko tha se sërish për shkak të këtij raporti e tërhoqi dorëheqjen pas përplasjes për votimin e Teatrit Kombëtar.
Majko ka folur edhe për atë që quhet “konsumim” i Partisë Socialiste në pushtet duke u shprehur se: “kjo parti nuk e ka mbyllur ciklin e saj të të qenit në pushtet, por s’kemi kë të vëmë më mirë në qeveri” duke iu referuar gjendjes së opozitës.
Krasta e ka provokuar edhe për rivalitetin në selinë rozë dhe ambiciet e Erion Veliajt për të pasuar Ramën në krye të partisë. Madje sipas Krastës, Veliaj po e “rrezikon” Ramën pasi kërkon që t’i zërë vendin.
“Mendon se Veliaj do të kërkojë të zërë vendin Ramës duke qenë Rama në krye të vendit? Oh please!! Nuk ndodh”, - tha Majko duke qeshur.
