Federata angleze (Fa) ka nisur një hetim ndaj teknikut të Liverpool, Jurgen Klopp, për festim të tepruar në rastin e golit të fitores në derbin me Everton. Tekniku gjerman në momentin e golit të shënuar nga Origi në të 96' u fut me vrap në fushë për të përqafuar portierin e Reds Alisson. "Kërkoj ndjesë sepse nuk doja të tregoja mungesë respekti ndaj askujt - ka deklaruar ish-trajneri i Borussia Dortmund pas ndeshjes".
Fund ndeshje me polemika për derbin e Liverpool, që u fitua nga Të kuqtë gnë mënyrën më të pabesueshme. Goli i Origi, i pari për të këtë vit, erdhi pak sekonda nga fundi, falë një gabimi të portierit të Everton e të kombëtares angleze, Jordan Pickford, që i dhuroi topin belgut.
Një mënyrë e cmendur për të fituar derbin, një ëndërr për tifozët e një adrenalinë për teknikun gjerman, që u lëshua në një festim spontan, emocional, por ndoshta "të papërshtatshëm", i ka pranuar vetë Klopp pas ndeshjes. "Nuk mund të bëja asgjë, ndeshja kishte një intensitet të pabesueshëm. Menjëherë më pas i kërkova ndjesë Marco Silva (tekniku i Everton)".
Ky version nuk është konfirmuar nga trajneri i Everton: “Përsa i përket ndjesës, muna nuk më ka thënë asgjë”. E qartë se dikush nga të dy nuk thotë të vërtetën, ndëkohë që Klopp ka kohë deri në 18 të së enjtes për tiu përgjigjur akuzës.
https://www.youtube.com/watch?v=ARL9dMsdbbc
