Mustafa Nanos i është bërë zakon prodhimi i ideve origjinale. Ai ka folur gjithashtu edhe për ata që kanë ndërtuar pa leje tek Unaza e Re. Gjatë monologut të vet në emisionin "Provokacija" duke i quajtur ata që kanë ndërtuar në mënyrë të paligjshme "qytetarë të padenjë i këtij vendi" ai ka hedhur propozimin: "Sikur ta kisha unë në dorë, bashkë me legalizimin, do t’u bëja edhe ndonjë penalizim. Fjala vjen, do të ndaloja fëmijët e tyre që të punësoheshin në shtet për tridhjetë vitet e ardhshme" ka thënë Nano.
Nano ka thyer çdo rekord duke pranuar një princip të rrëzuar bashkë me diktaturën komuniste atë të penalizimit të fëmijëve për shkak të bëmave të prindërve. Dhe këtë e ka bërë në bazë të idesë së tij se zabtimi i trojeve pa leje është "plaçkitja më e madhe e këtij vendi", pra më e madhe se ajo që bëjnë oligarkët në bashkëpunim me qeverinë. Pra plaçkitja e banorëve sipas autorit të "Provokacija" është më e madhe se ajo që po bëjnë në bashkpunim Rama, Biba, Salillari dhe Viktoria që pa tender e shpunë në 40 milionë euro çmimin e kilometrit.
©Lapsi.al
