Përkrahësit e Partisë Komuniste dhe veteranë kanë bërë sot homazhe në Varrezat e Dëshmorëve me portretin e diktatorit, Enver Hoxha në duar. Ata i kryen homazhet një orë pasi në atë vend kryen homazhe përfaqësuesit e qeverisë. Nostalgjikët e Enver Hoxhës vendosën buqeta me lule para memorialit “Nënë Shqipëri”, por për herë të parë mbanin në duar pankarta kundër qeverisë së kryeministrit Edi Rama. “Poshtë Qeveria neoballiste e Edi Ramës” dhe “Bularati është Shqipëri”, ishin disa nga pankartat e nostalgjikëve të Enver Hoxhës. Shkak për këtë revoltë të komunistëve është bërë nderimi i eshtrave të Mit’hat Frashëri, themeluesit të Ballit Kombëtar. ©LAPSI.al
