Krijuesi i SpongeBob SquarePants, Stephen Hillenburg, ka ndërruar jetë ditën e djeshme. Vetëm 57 vjeç ai humbi betejën me ALS (Amyotrophic Lateral Sclerosis), një sëmundje që shkakton vdekjen e neuroneve që kontrollojnë muskujt e vullnetshëm.
Nickelodeon konfirmoi lajmin nëpërmjet një deklarate: “Jemi tmerrësisht të trishtuar nga lajmi se Steve Hillenburg ka ndërruar jetë pas betejës me ALS. Ai ishte një mik i dashur dhe një partner kreativ afatgjatë për të gjithë ne në Nickelodeon, dhe ngushëllimet tona të përzemërta i shkojnë familjarëve.”
