Në ditën e ditëlindjes së saj, këngëtarja Venera Lumani festoi edhe diçka tjetër: propozimin e partnerit të saj për fejesë. Sa i lumtur, aq edhe i papritur ka qenë ky moment për të. Por festa e fejesës nuk është bërë ende. Për këtë këngëtarja foli sot e ftuar tek “Rudina”.
“Akoma nuk kemi bërë një darkë familjare për të mbledhur dy familjet. Fejesa erdhi shumë shpejt, nuk e mendoja kurrë sepse ne bashkëjetonim. Ndërsa, dasmën do e realizojmë më vonë. Arsyeja përse ende nuk e kemi realizuar një festë për fejesën, është gjendja shëndetësore e gjyshërve të mi. Ata nuk janë mirë. Jam shumë e lidhur me gjyshërit, sepse jam rritur me ta. Mami dhe babi kanë pasur obligimet e tyre dhe unë kam qënë gjithë kohës me ta.” – është shprehur Venera.
