Gjykata e Krujës ka pranuar kërkesën e Rexhep Rrajës, djalit të deputetit të Partisë Socialiste Rrahman Rraja, për gjykim të shkurtuar. 24-vjeçari është në burg pas denoncimit nga ish-e dashura e tij Xhisiela Maloku, se është dhunuar dhe kërcënuar prej tij. Denoncimi u tërhoq, por procesi vijoi më tej dhe është caktuar që seanca e radhës të zhvillohet në datën 4 dhjetor. Pas pranimit të gjykimit të shkurtuar, nëse ai shpallet fajtor dhe dënohet, do të përfitojë një ulje dënimi me 1/3-ën. Në seancë ishte e pranishme dhe Xhisiela Maloku. 25-vjeçarja tha para gjyqtares Engjëllushe Tahiri se ka gënjyer në kallëzimin e saj për shkak të xhelozisë. Xhisiela në këtë proces ka statusin e të dëmtuarës.
