Pavarësisht reshjeve të shiut, banorët e zonës së ‘Astirit’ kanë dalë në protestë edhe pasditen e sotme. Ata mbajtën të bllokuar rrugën siç kanë bërë për 24 ditë me radhë, ndërkohë që kanë kërkuar nga qeveria kompensim 100% të shtëpive të tyre. “Nuk na përçani dot”, “Jug, veri jemi një” e “do t’i mbrojmë shtëpitë me gjak”, kanë qenë disa nga thirrjet e protestuesve.
Për vijimin e projektit të Unazës së Re, ARRSH ka vijuar me heqjen e shtyllave të ndriçimit, si dhe me prishjen e disa banesave, pronarët e të cilave pranuan bonusin e qirasë nga Bashkia Tiranë dhe strehimin në banesat sociale. Në mbështetje të banorëve që protestojnë janë edhe deputetë të opozitës.
©LAPSI.al
