Meghan Markle dhe Chrissy Teigen kanë qenë dikur kolege në punë. Ato kanë qenë të dyja pjesëmarrëse në “Deal or no deal”, një lojë televizive shumë e njohur. Ato kishin rolin e “vajzës së valixhes”, që praktikisht qëndronin gjatë spektaklit pranë valixhes me një vlerë monetare të caktuar.
Sipas The Telegraph, Markle ka qenë e pranishme në 34 episode nga 2006 në 2007, ndërsa Teigen në 8 episode nga 2007 në 2008. Dhe pikërisht për marrëdhënien që ato kishin dhe sjelljet e Meghan, tashmë një dukeshë, modelja ka folur për Daily Mail: “Isha në “Deal or no Deal” me të dhe ajo ishte e këndshme. Tani të gjithë më pyesin si ishte ajo dhe i them “Më falni, s’kam asgjë të keqe për të thënë. Ajo ishte e mrekullueshme.”Por kjo nuk është e vetmja e përbashkët që ato kanë, pasi të dyja publikuan librat me receta këtë vit. “Më pëlqen freskia që ajo sjell, dhe libri i saj i recetave “Together” është i vetmi libër që kam porositur këtë vit.”- tregoi Teigen.
