Kryeministri Edi Rama ka propozuar 3 anëtarët e Këshillit Mbikëqyrës të Bankës së Shqipërisë. Ajo që bie në sy është edhe emri i ish-ministrit të Financave në kohën e PD-së, Ridvan Bode. Krahas tij dy emrat e tjerë të propozuar nga Rama janë edhe Edlira Luci dhe Suela Popa. Anëtarët e këshillit Mbikqyrës të bankës së Shqipërisë zgjidhen nga Kuvendi i Shqipërisë dhe ushtrojnë këtë funksion për një mandat 7-vjeçar, me të drejtë rizgjedhjeje.
PROPOZIMI I KRYEMINISTRIT
Vendim për Propozimin Kuvendit të Republikës së Shqipërisë së tre anëtarëve për Këshillin Mbikëqyrës të Bankës së Shqipërisë.
Në mbështetje të nenit 100 të Kushtetutës dhe të shkronjës “b”, të pikës 2, të nenit 44, të ligjit nr.8269, datë 23.12.1997, për “Bankën e Shqipërisë”, të ndryshuar, me propozimin e Kryeministrit, Këshilli i Ministrave
Vendosi:
Propozimin Kuvendit të Republikës së Shqipërisë të tre anëtarëve për Këshillin Mbikëqyrës të Bankës së Shqipërisë, si më poshtë vijon:
Znj.Suela Popa
Znj.Edlira Luçi
Z.Ridvan Bode
Ky vendim hyn në fuqi menjëherë dhe botohet në “Fletoren zyrtare”
