Një aksident i rëndë me dy të vdekur është shënuar në Fushë Krujë. Aksidenti ndodhi rreth orës 15: 30 në fshatin Bura të komunës Nikël.
Nga informacionet paraprake të policisë mësohet se makina ka humbur kontrollin dhe pasi ka dalë nga rruga është përmbysur.
Viktimat mësohet se janë drejtuesi i mjetit I.Malja, i cili mendohet se ka pasur probleme shëndetësore dhe pasagjerja L.Malja.
Policia ka shkuar në vendin e ngjarjes dhe po punon për zbardhjen e rrethanave të aksidentit tragjik, që i mori jetën dy personave.
