Veç karrierës së saj në muzikë, Mimoza Shkodra u vendos së fundmi në qendër të vëmendjes për shkak të jetës së saj personale. Ndarja e saj nga ish-partneri Seldi habiti fansat, por ish-çifti tregoi se jeta vazhdon duke vijuar të tregonin talentet e tyre.
Ditën e sotme, Mimoza publikoi këngën e saj më të re “Mu ma le fajin”, e cila flet për një çift që i jep fund lidhjes dhe “faji ka mbetur jetim”.
Ndërsa mediat sot shkruanin se ishte një dedikim, “iconstyle.al” vendosi që të kontaktonte personalisht me këngëtaren.
E pyetur nëse kënga lidhet me jetën e saj personale apo jo, këngëtarja u shpreh kështu:
“Aspak! Teksti është shkruar nga “2 Step”, jo nga unë. Njerëzit mund ta lidhin me ngjarje të të kaluarës sime, por nuk fakt nuk është histori personale. Nuk i kam bërë askujt dedikim deri më sot”.
Ndërsa Mimoza Shkodra hedh poshtë dyshimet e fansave të saj, kënga është kthyer tashmë në një hit, pasi brenda më pak se 24 orësh është dëgjuar nga mbi 15.700 persona.iconstyle
