Puna ka nisur për netët finale të “Këngës Magjike” dhe në Pallatin e Koncerteve po ngrihet skena gjigande. Deri më tani, është mësuar se përveç të zotit të shtëpisë Ardit Gjebrea, do t’i bashkohen në prezantim edhe Bora Zemani, si dhe balerina e njohur Klaudia Pepa!
“Do të vij me një ushtri. Me 12 balerinë meshkuj profesionistë nga ‘Mediaset’”, -është shprehur më herët Pepa.
Por duket se nuk do të jenë të vetmet! Sipas “Blitz.al”, Arditin do e shoqërojnë edhe emra të tjerë të njohur shqiptarë, edhe përse ende nuk është bërë e ditur se cilët janë ata.
20-vjetori i “Kënga Magjike” ka bërë bashkë artistët më të mirë shqiptarë dhe duket se do të jetë një garë shumë e fortë. Kujtojmë se vitin e kaluar në “Kënga Magjike”, Ardit Gjebrea u shoqërua nga prezantueset Nevina Shtylla dhe Arjola Shehu.
