Nga përplasje me protestuesve dhe policisë para parlamentit raportohet se kanë mbetur të plagosur 6 efektivë nga radhët e uniformave blu. Mes të lënduarve është edhe nëndrejtori i Policisë së Tiranës, Dhimitraq Ziu. Ndërkohë disa protestues janë shoqëruar nga policia. Protestuesit tentojnë të futen në parlament. Kjo është dita e 19 e protestës së tyre. Ata kërkojnë dëmshpërblim për shtëpitë që do të prishen nga zbatimi i projektit të Unazës së Vogël. Por qeveria këmbëngul se ata kanë ndërtuar pa leje dhe rrjedhimisht nuk mund të marrin dëmshpërblim. Banorëve të Unazës së Re i janë bashkuar edhe banorët e zonës së Shkozës, si dhe deputetët e opozitës. Për të garantuar sigurinë rreth parlamentit ndodhen edhe forca të FNSH-së.
©LAPSI.al
