Pas protestës së sotme para parlamentit, ku pati të plagosur nga radhët e policisë dhe banorëve, Prokuroria e Tiranës ka nisur heetimet. Mësohet se një grup prokurorësh kanë shkuar në Spitalin e Traumës për të marrë në pyetje policët e lënduar. Po kështu janë kryer veprime hetimore edhe në vendin e ngjarjes. Nga të dhënat e deritanishme mësohet se janë 12 policë të plagosur, dy prej të cilëve me plagë serioze. Në spital ka shkuar edhe ministri i Brendshëm, Sandër Lleshaj. Prej 19 ditësh banorët e zonës së ‘Astirit’ në Tiranë kërkojnë dëmshpërblim për banesat që do t’u prishen për zbatimin e projektit të Unazës së Re.
©LAPSI.al
