Pas asaj që ndodhi përpara parlamentit e tensionuar ka qenë situata edhe në mbrëmje kur banorët e zonës së “Astirit” protestuan te Unaza e Re. Në një moment forcat speciale kanë ndërhyrë pasi situata po dilte nga kontrolli pasi banorët kanë tentuar të hyjnë në kantierin e firmës private.
Në vendin e ngjarjes kanë qenë prezentë edhe deputetët e Partisë Demokratike Flamur Noka e Klevis Balliu të cilët janë përballur me policinë. Forcat speciale kanë ndërhyrë me skafandra dhe shkopinj gome. Newsbomb.al ka publikuar momentin e kur policia ka vënë përpara deputetin demokrat Flamur Noka, i cili është rrëzuar në tokë.
