Dhjetra të arrestuar dhe mbi 12 policë të plagosur në njërën prej protestave më të ashpra që janë zhvilluar para parlamentit në kohët e fundit. Banorët në diën e 19 e protestës kërkuan para kuvendit dëmshpërblim për shtëpitë që do të prishen nga zbatimi i projektit të Unazës së Vogël. Por, ndërkohë që ata përlesheshin me policinë Edi Rama, në të kundërt të asaj që kishte premtuar në fushatën e vitit 2013 këmbënguli edhe njëherë se ata kanë ndërtuar pa leje dhe rrjedhimisht nuk mund të marrin dëmshpërblim. Ky lloj dialogu në distancë i ndezi gjakrat.
Si pasojë e hedhjes së flakdanëve që policia i etiketoi në njoftimin e saj si mjete piroteknike kanë mbëtur të plagosur 12 policë ndërsa njëra prej tyre thuhet se ka humbur 4 gishta. Mes të lënduarve është edhe nëndrejtori i Policisë së Tiranës, Dhimitraq Ziu.
Këtu policia filloi dhunën dhe arrestimdet në mes të turmës edhe të adoleshentëve që nuk kanë mbushur 18 vjeç. Rjjeti është i mbushur plot e përplot me video të këtyre arrestimeve nga fëmijët që i merren prindërve para syve e deri tek arrestimet tek ata që kanë shkuar të çojnë të afërmit në spital. Arrestimi i tyre u bë për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës” (poshte lista e te arrestuarve).
Me nje reagim ne Tëitter, Rama ka thene prere se “Dhuna ndaj policëve në emër të paligjshmërisë, s’do tolerohet!”.
Pavarësisht dëmeve që u shkaktuan dhe arrestimeve të shumta, protestuesit duke u shpërndarë para parlamentin deklaruan se do ta vazhdojnë sot në ora 17 00 protestën e tyre tek unaza e re. Në pamje të parë duket sikur ata sot kaluan vijën e kuqe duke u përleshur me policinë në tentativë për të hyrë në sallën e parlamentit. Por kjo është vetëm ana e dukshme e medaljes. Po ta shikosh ngjarjen në dinamikën e saj, ajo fillon, në momentin kur qeveria akordoi 40 milionë euro, për një rrugë 2.2 km, pa gara të rregullt dhe me konkurentë fantazëm. Prandaj pyetja lind: çduhet të bëjë një njeri që i prishin shtëpinë, qoftë edhe pa leje, kur shikon këtë padrejtësi kak të madhe?
– P. A., 17 vjeç;
– Fluturim Goleci, 30 vjeç;
– Rruzhdi Daci, 53 vjeç;
– Marsel Villari, 28 vjeç;
– Erjona Dozhani, 30 vjeç;
– Lulzim Dozhani, 45 vjeç;
– Dorjan Protoduari, 30 vjeç (i shpallur më parë në kërkim nga Kom. Pol. nr.6, për veprën penale “Organizimi dhe pjesmarrja në grumbullime dhe në manifestime të paligjshme”);
– Ali Nalic, 35 vjeç;
– Amarildo Sinanaj, 30 vjeç;
– Shpati Bilbili, 31 vjeç.
Nga protesta e cila po zhvillohet në hyrje të Kuvendit, nga banorët e zonës së Astirit, kanë mbetur të lënduar 12 efektivë të policisë, mes tyre edhe zv.drejtori i zv.drejtori i Tiranës, Dhimitraq Ziu.
