Një grua që besohet të jetë murgesha më e vjetër në botë, e cila ndihmoi në fshehjen e fëmijëve hebrenj nga nazistët, ka vdekur në moshën 110-vjeçare. Cecylia Roszak vdiq të premten në manastirin dominikan në qytetin e Krakov, Poloni, nw vendin ku ka banuar për gati 90 vjet. Gjatë Luftës së Dytë Botërore, Roszak, ndihmoi në strehimin e hebrenjve lokalë në kryeqytetin lituanez Vilnius, pasi kishte udhëtuar atje bashkë me murgeshat e tjera. Sipas raportimeve, ato ndihmuan dhjetra çifutë që të shpëtonin nga nazistët.
Në vitin 2009, murgesha u nderua me titullin ‘Righteous Among the Nations’ për përpjekjet e saj gjatë luftës, një titull i përdorur nga Izraeli për ata që rrezikuan jetën e tyre gjatë Holokaustit për të shpëtuar hebrenjtë.
Një zëdhënës i manastirit tha për mediat lokale se pavarësisht moshës së saj dhe operacioneve nw hundë dhe gju, Motra Cecylia ishte plot me gjallëri dhe kishte një sens të madh humori.
