Protesta e unazës/ Si doli në pah një vjedhje gjigande
Në fakt debati duhet të bëhej me shifra dhe fakte. Në një konferencë shtypi nga LSI, kreu i grupit parlamentar, Petrit Vasili bëri disa llogari konkrete. Ai i ftoi qytetarët të kuptonin vetë. Nëse tek Unaza e re (40 milionë euro për 2.2 KM) tarifa del rreth 19 milionë euro për kilometër anembanë shqipërisë dhe sidomos në tenderat me garë reale të zhvilluara nga BE kosto ka qenë shumë më e ulët. Në aksin Fier-Vlorë, një rrugë 24 km tërësisht e re me 4 korsi, financimi ka qenë 50 milionë euro. Pra afërsisht 2 milionë euro për KM Në Bypass-in që lidh Rrogozhinën me rrugën për të shkuar drejt Elbasanit janë shpenzuar 5,7 milionë euro për 4,3 km rrugë, me dy korsi, me gjerësi totale 10,5, me rreth rrotullime, me ura. Pra as 1,5 milionë euro Aksi Levan-Tepelenë, një aks i cili lidh portën e daljes së jugut. Mesatarja për kilometër, në një zonë shkëmbore shumë të rëndë, me vepra dhe ura, që të gjithë e kanë parë se çfarë terreni, mesatarja 1,7 milionë. Këtyre pretendimeve është munduar ti japë njëlloj përgjigje jo bindëse kreu i ARRSH-së, Afrim Qëndro. Sipas tij, analogjia që bëhet me rrugët e tjera nuk qëndron. “Nuk kemi 2.3 kilometra rrugë, por 2.3 kilometra autostradë e mbyllur dhe 4.6 kilometra rrugë dytësore, ka dy mbikalime dhe dy nënkalime të tjera”, tha Qëndro. Ai këmbënguli se vetëm mbikalimi që do të ndërtohet te sheshi “Shqiponja” dhe që do të jetë më i madhi në Tiranë, do të kushtojë 1.5 milionë euro.Manipulimet Rama- Veliaj për fshehjen e tenderimit 40 milionësh
Andi Bushati: Salillari, Ramallari dhe tre milonë rrota …ari
Po prapë a mjaftojë këto argumenta kur sipas llogarive që bën opozita në shifrën prej 40 milionë eurosh të dhuruar pa garë për tre kompani, po zhvatet gati 1/3 e kësaj shume. Këto dyshime bëhen edhe më të mëdha nëse sheh mënyrën si përgjigjet Edi Rama. Në vend të bëjë transparencë për publikun, në vend që të tregojë se si është shkuar drejt këtyre kostove marramendëse ai vazhdon dhe bën estradë. Më mirë se gjithçka këtë e tregon postimi i tij i fundit: "Dikush duhet t'u shpjegojë ingjinjerave të PD-së dhe LSI-së plot me kadrinj se kilometrat e rrugëve nuk janë si metrat e teritalit që blinin në MAPO dikur për pantallonat e tyre! Vlerat për km variojnë sipas përmbajtjes së projektit e çmimet dalin denbabaden nga një manual standard", ka shkruar sot kryeministri. Dhe nga përgjigjja është e lehtë të kuptohet se cili ka të drejtë. ©Lapsi.al
