Alex Sandro frikëson Juventusin. Mbrojtësi brazilian, duke folur në konferencën për shtyp që nga tërheqja me ekipin kombëtar para sfidës me Kamerunin e Seedorf, foli për të ardhmen e tij duke pohuar dëshirën për të luajtur në Angli: "Një ditë do të doja të luaja në Premier League", tha ai duke shtuar: "Për momentin jam shumë i lumtur në klubin ku luaj dhe në kampionatin ku luaj".
"Tani dëshira ime është të vazhdoj ku jam, sepse jam shumë i lumtur", ka thënë anësori brazilian, i cili përfundon kontratën në qershor të vitit 2020 dhe që është veçanërisht i vlerësuar në Angli, ku Manchester City dhe Chelsea mbi të gjitha e kanë vënë në shënjestër prej kohësh.
Që nga ardhja e tij nga Porto te Juventus në verën e vitit 2015, Alex Sandro është bërë një pikë e fortë e ekipit të Massimiliano Allegri, i cili e ka mbajtur gjithmonë pavarësisht ofertave milionere që kanë ardhur në Torino, por për më shumë se një vit lojtari i kërkon Juventusit një përmirësim të kontratës (momentalisht merr 3 milionë, por agjenti i tij do të donte 5) që po vonohet të vijë dhe klubet angleze mund ta garantojnë atë. "Një ditë, në të ardhmen, do të doja të luaja në Premier", tha ai dhe e ardhmja mund të mos jetë aq larg.
