Nëpërmjet deklaratave të njëpasnjëshme ajo ka treguar fakte lidhur me jetën e Meghan, të cilët na kanë habitur. Lexuesit janë ndarë në dy pjesë, në ata që mendojnë se Samantha ka të drejtë dhe në ata që mendojnë se ajo e bën thjesht për vëmendje. Kohët e fundit Samatha ka qëndruar në heshtje dhe daljet e saj publike i ka rralluar. Një nga arsyet përse Samantha nuk ka folur shumë për motrën e saj është sepse ajo është duke punuar për një libër që do të dalë në kohën kur Meghan Markle do të lindë. Samantha tregoi për “Daily Star” se libri i saj, i titulluar “Në hijet e dukeshës”, për të cilin tha se përfshin gjithçka dhe se bota nuk e njeh të vërtetën e plotë, do të flasë për mënyrën se si ajo është sulmuar në internet dhe ka marrë kërcënime me vdekje që kur motra e saj u bë pjesë e familjes mbretërore.
