Në Francë është duke u zhvilluar gjyqi ndaj Rosa Maria Da Cruz, nënë e 4 fëmijëve që pati një lidhje jashtëmartesore nga e cila lindi fëmija e katërt, një vajzë me emrin Serena. Por asnjë nga fëmijët e tjerë nuk pati mundësinë ta njihte motrën e tyre për 2 vjet.
As miqtë dhe madje as bashkëshorti i saj nuk kuptoi asgjë pasi 50-vjeçarja e mbajti të fshehtë shtatzëninë dhe më pas fëmijën. Në pjesën më të madhe të kohës Serena qëndronte në një bodrum që përdorej rrallë nga familja ndërsa kur lëvizte, nëna e fshihte në bagazhin e makinës.
Bashkëshorti, një murator i papunë tha në gjykatë se nuk kishte dyshuar kurrë te shtatzënia e gruas së tij dhe se nuk ishte në dijeni të këtij fëmije. Ai tha se në bodrum hynte shumë rrallë dhe se makinën e gruas së tij nuk e përdorte asnjëherë.
Rosa Maria Da Cruz akuzohet për keqtrajtim të të miturve dhe mund të dënohet deri në 20 vjet burg. 2-vjeçarja është mbajtur në kushte çnjerëzore dhe rrezikon që të mos ecë me këmbët e saj për shkak të qëndrimit e lidhur. Ajo u gjet nga një mekanik në bagazh në momentin që makina kishte pasur një problem. ©LAPSI.al
