Konkursi për gradën ‘komisar’ në Policinë e Shtetit është shtyrë për një afat të pacaktuar, pas shpalljes së pavlefshëm të konkursit të parë që u zhvillua më datë 7 nëntor. Me urdhër të drejtorit të Përgjithshëm, Ardi Veliu, konkursi u shpall i pavlefshëm pasi rezultoi se policët kishin kopjuar dhe se testi ishte vjedhur nga aplikantët para nisjes se konkurrimit. Ndërkohë Shërbimi për Çështjet e Brendshme dhe Ankesave ka nisur një hetim ndaj komisionit që ishte përgjegjës për provimin e datës 7 nëntor. Ky komision kryesohej nga nëndrejtoresha e Policisë së Shtetit, Aida Hajna. Rreth 400 oficerë policie konkurruan për 130 pozicione vakante për gradën ‘Komisar’.
©LAPSI.al
