Teksa të gjithë kërkojnë rikthimin e tij me ndonjë album të ri apo me koncerte, Justin Bieber e ka ndarë mendjen që të pushojë nga gjithçka.
Këngëtari ka nisur një “rrugëtim” për të zbuluar veten dhe çfarë do të bëjë dhe kjo do t’a mbajë disi larg skenës apo studiove të regjistrimit për ndonjë album të ri.
Në planin e tij të afërt nuk është rikthimi në muzikë ka thënë një buim për “People”.
“Në të vërtetë ai acarohet kur njerëzit pyesin nëse po kthehet në studio ose në turne. Ai ka punuar për vite me radhë dhe hera e parë që merr një pushim të rëndësishëm, të gjithë thonë: ‘Kur do të kthehet?’. Për Justin, këto nuk janë vetëm pyetje, ato janë kërkesa. Për vite me radhë, të gjithë janë përpjekur ta marrin një pjesë të tij”.
