Seriali mw i ndjekur, “Game of Thrones” ka shumë personazhe të ndryshme, ku secili ka një personalitet dallues ashtu siç kanë edhe shtetet nga njëri-tjetri. Faqja “Fansides” i ka përshtatur 50 personazhet e “Game of Thrones” me 50 shtete europiane, ku bën pjesë edhe Shqipëria. Personazhi që i përshtatet më shumë Shqipërisë është Barristan Selmy.
Për të shkruhet: “Nuk është diçka e lehtë për Shqipërinë, por a e dini se për momentin më shumë shtetas shqiptarë jetojnë jashtë vendit se sa në vendlindje?!Ndërkohë që në Shqipëri jetojnë rreth 3 milionë banorë, vlerësime të ndryshme tregojnë që 7 deri në 10 milionë shqiptarë jetojnë në vende të ndryshme të botës. E në përputhjen e 50 personazheve nga “Games of Thrones” me 50 vende europiane, mund të themi se Barristan Selmy mund ta kuptojë mënyrën e jetesës së shqiptarëve.
