Banorët e zonës së njohur si ‘Astiri’ në Tiranë vijojnë protestën e tyre prej 11 ditësh. Ata kundërshtojnë shembjen e shtëpive, për shkak të projektit të Unazës së Re. Ditë pas dite protesta është përshkallëzuar. Krahas bllokimit të rrugës, banorët u kanë vënë flakën edhe gomave të makinave, si dhe kanë hedhur vazhdimisht kapsolla.
Me pankarta dhe thirrje kundër qeverisë, ata kërkojnë që të kompensohen për banesat e tyre, të cilat i kanë në proces legalizimi. Gjatë protestës nuk kanë munguar edhe thirrjet “nuk jemi shpellarë, jemi qytetarë”, duke iu referuar kështu deklaratës së bërë nga kryebashkiaku Erion Veliaj.
Ky i fundit u mundua sot të shfajësohej, duke thënë se etiketimin ‘shpellarë’ nuk e kishte për banorët që protestojnë, por për deputetët e PD-së që sipas tij po përdorin politikisht protestën. Në mbështetje të banorëve sot pasdite kishte dalë në shesh edhe kreu i opozitës, Lulzim Basha, sipas së cilit projekti i Unazës së Re ka 3 shkelje ligjore. Shihni më poshtë fotot e siguruara nga LSA.
©LAPSI.al
